Հինգշաբթի, 15 նոյեմբերի, 2018 թ.
|
Ստեփանակերտում`   +1 °C

«Նոր իշխանությունը պարտավոր է քայլեր ձեռնարկել». Հայկ Մարտիրոսյան

«Նոր իշխանությունը պարտավոր է քայլեր ձեռնարկել». Հայկ Մարտիրոսյան
89
Շաբաթ, 10 նոյեմբերի, 2018 թ., 12:40

Քաղաքագետ Հայկ Մարտիրոսյանը ֆեյսբուքյան իր էջում գրել է. «Նախիջևանում ադրբեջանական դիրքերի առաջխաղացումն ու ռազմական ինֆրաստրուկտուրայի տեղադրումը առաջիկա պատերազմի նախապատրաստական աշխատանքն է: Ակնհայտ է, որ Նախիջևանից Զանգեզուրը կտրելու և Երևանին մի քանի հարված հասցնելու ադրբեջանական պլաններին ՀԱՊԿ-ը չի խանգարելու: Եվ մինչդեռ Սերժ Սարգսյանի իշխանությունը ուղղակիորեն ոչինչ չէր անելու, Հայաստանի նոր իշխանությունը պարտավոր է քայլեր ձեռնարկել, այդ թվում և ռազմական: Ուղղակի և միայն դիտարկելն այլևս անընդունելի է: Պետք է հուսալ, որ մինչ այս պահը ճիշտ հայտարարություններ արած պետության ղեկավարը, ընտրություններից հետո նաև հստակ գործողություններ կնախաձեռնի:

Միևնույն ժամանակ այսպիսի պայմաններում Երևանում ադրբեջանցիների հետ խաղաղություն հաստատելու որոշ քաղաքական ուժերի և հանրային ակտիվիստների քարոզները, քանի դեռ Ադրբեջանում հակառակն է արվում, պետք է դիտարկել որպես դավաճանական պրոպագանդա և ներքին սաբոտաժ՝ հօգուտ թշնամու:

Անկախ ներհայաստանյան գործընթացներից՝ պատերազմը, ցավոք, մոտենում է»: