«Քանի շուտ է, պետք է դրա դեմն առնել». Նորայր Նորիկյան

Փաստաբան Նորայր Նորիկյանը ֆեյսբուքյան իր էջում գրել է. «Գրեթե վստահ եմ, որ Ադրբեջանի կողմից Նախիջևանյան հատվածում իրականացված գործընթացները հեռահար նպատակ են հետապնդում՝ հեռանկարում մեզ համար լուրջ սպառնալիք ստեղծելու հաշվարկով: Քանի շուտ է, պետք է դրա դեմն առնել... Արցախյան հակամարտության ողջ ընթացքում Նախիջևանյան հատվածը երբեք այդքան վտանգ չի ներկայացրել, որքան այսօր, իսկ վաղն ավելի վտանգավոր կլինի: Ակնհայտ է, որ Ադրբեջանն այդ ուղղությամբ պատերազմի երկրորդ ճակատն է ստեղծում ու պատրաստվում այդ պատերազմին:
Միաժամանակ, ակնհայտ է նաև, որ մենք չունենք ռազմավարական թիկունք և նահանջի թեկուզ մեկ քայլի հնարավորություն: Ուստի անհրաժեշտ է համարժեք արձագանք Ադրբեջանի գործողություններին.... Որևէ մեկը չպետք է երկմտի, որ այս պատերազմում մենք պարտվելու իրավունք չունենք...»: