Նիկոլ Փաշինյանը՝ Սասուն Միքայելյանի աղմկահարույց հայտարարության մասին

«Սասուն Միքայելյանն ինքն էլ զգաց, որ ոչ այնքան հաջող ձևակերպում արեց և ինքն էլ ուղղեց իրեն՝ նշելով, որ նկատի է ունեցել՝ համաժողովրդական շարժումը կարևոր էր Արցախի ամրության առումով: Ու հիմա անհասկանալի է այս ամբողջ աղմուկը:

Տարիներով հետևել եք, թե ոնց է բանակը թալանվել, ու մի նախադասություն չեք ասել, հիմա չփորձեք դիվիդենտներ հավաքել մի սխալ նախադասության համար, ես ներողություն կխնդրեմ էդ նախադասության համար հազար անգամ, բայց թույլ չեմ տա աչոկներ հավաքել, ես սա ասում եմ որպես ՀՀ ԶՈՒ գլխավոր հրամանատար՝ պատերազմական իրավիճակում»,- այս մասին ֆեյսբուքյան իր էջի ուղիղ եթերով հայտարարեց ՀՀ վարչապետի պաշտոնակատար Նիկոլ Փաշինյանը՝ մեկնաբանելով այսօր Գյումրիում Սասուն Միքայելյանի կողմից հնչեցված միտքն այն մասին, որ տեղի ունեցած հեղափոխությունն առավել կարևոր էր, քան Արցախյան ազատամարտը:

«Սխալ միտք կարող ենք արտահայտել բոլորս, սխալվել կարող ենք բոլորս, կարող ենք ներողություն խնդրել այդ սխալի համար:

Այս ընտրություններում ՀՀ քաղաքացին ՀՀԿ-ին պետք է նետի քաղաքական աղբանոցը՝ որպես երկիրը թալանած, որպես ժողովրդին հուսահատության հասցրած ու հակապետական կառույց»,- հավելեց Նիկոլ Փաշինյանը: