«Մանիպուլյացիաներն էլ չեն աշխատում». Հայկ Խանումյան

Արցախի ԱԺ ընդդիմադիր պատգամավոր Հայկ Խանումյանը ֆեյսբուքյան իր էջում գրել է. «Արցախի իշխանությունը միշտ շահարկել է միասնականության ու միասնության գաղափարները: Եթե որևէ մեկը քննադատել է իրենց կամ ընդդիմություն է, ապա անմիջապես մեղադրում են միասնականության խաթարման մեջ: Այս պարզունակ գործիչներն այդպես էլ չհասկացան, որ միասնական ու արդար լինում են այն հասարակությունները, որտեղ հարգում են գոնե օրենքն ու օրինականությունը, էլ չասած իրավունքի մասին: Թե չէ ժամանակ առ ժամանակ սահմանադրություն են փոխում մեկ անձի իշխանության վերարտադրության համար ու ասում՝ ով համաձայն չէ մեզ հետ, թշնամի է և խաթարում է մեր միասնականությունը: Հարգելի՛ պարզունակներ, հանրությունն առավել քան հասուն է, քան դուք կարող եք պատկերացնել: Մանիպուլյացիաներն էլ չեն աշխատում»: