«Նոր իշխանությունները բանակում մթնոլորտի առողջացման մի կարևոր խնդիր ունեն լուծելու». Արման Մելիքյան

Արցախի նախկին արտգործնախարար Արման Մելիքյանը ֆեյսբուքյան իր էջում գրել է. «Նոր իշխանությունները բանակում մթնոլորտի առողջացման մի կարևոր խնդիր ունեն լուծելու՝ պետք է իսպառ արմատախիլ արվի հերթական ու արտահերթ սպայական կոչումներ ստանալու և պաշտոնեական շարժի հնարավորությունն ապահովելու համար սպաներից գումարներ շորթելու այլանդակ «ավանդույթը»: Բանակային ծառայությունը բիզնեսի վերածելու ակունքը սա է: Այդ զարհուրելի պրակտիկան ոչնչացնելուց հետո միայն հնարավոր կլինի լրջորեն մտածել նաև բանակային կյանքում վատնումները, նյութատեխնիկական միջոցների գողությունը և այլ չարաշահումները կանխելուն կամ դրանք բացահայտելուն ուղղված քայլերի մասին: Ճիշտ է, այս ամենը իրականացնելու համար բացի բարի ցանկություններից նաև անհրաժեշտ է շատ որոշակի մասնագիտական գիտելիքների ու հմտությունների տիրապետել»: