«Չի բացառվում...». Հայկ Ալումյան

Վերաքննիչ քրեական դատարանում ՀՀ երկրորդ նախագահ Ռոբերտ Քոչարյանի նկատմամբ կալանավորումը որպես խափանման միջոց ընտրելու որոշումն անձեռնմխելիության հիմքով վերացնելու վերաբերյալ բողոքի քննությունը շարունակվում է: Ռոբերտ Քոչարյանի պաշտպան Հայկ Ալումյանը չի բացառել, որ դատարանն այսօր Քոչարյանի խափանման միջոցի վերաբերյալ որոշում կկայացնի. «Չի բացառվում. կախված է լինելու մի շարք հանգամանքներից, նաև նրանից, թե ինչ տևողությամբ ելույթ կունենա դատախազությունը, քանի դատախազ ելույթ կունենա և նաև ինչ մանրամասնություններով հետագայում դատարանը կհետազոտի գործի նյութը»: