«Քննություն Նիկոլ Փաշինյանի համար. մեկնարկել են արտահերթ խորհրդարանական ընտրությունները». միջազգային մամուլ
![]() 2026 Կիրակի, 09 դեկտեմբերի, 2018 թ., 09:40 Հայաստանում մեկնարկել են արտահերթ խորհրդարանական ընտրությունները: Միջազգային մի շարք հեղինակավոր լրատվամիջոցներ անդրադարձ են կատարել: Ռուսական մամուլը գրում է, որ Հայաստանում ընտրատեղամասերը բացվել են առավոտյան ժամը 08:00-ին, իսկ ԿԸՀ-ն մասնակցության համար գրանցել է 9 կուսակցություն և 2 դաշինք: Ռուսական մամուլը հիշեցնում է, որ ավելի վաղ Հայաստանի նախագահ Արմեն Սարգսյանը ցրել էր խորհրդարանն ու նշանակել արտահերթ ընտրություններ: РИА Новости-ն տեղեկացնում է Հայաստանում խորհրդարանական ընտրությունների ընթացակարգի մասին: Պարբերականը նշում է, որ խորհրդարան կարող են անցնել առնվազն 101 պատգամավոր, իսկ 4 տեղ առանձնացված է ազգային փոքրամասնությունների ներկայացուցիչների համար: «Առաջին համընդհանուր ընտրություններն են ապրիլին տեղի ունեցած իշխանափոխությունից հետո, երբ իշխանության եկավ ընդդիմադիր գործիչ Նիկոլ Փաշինյանը՝ փոխարինելով Սերժ Սարգսյանին, ով երկիրը ղեկավարեց 10 տարի»,- հաղորդում է Интерфакс-ը: Արտահերթ խորհրդարանական ընտրությունների մեկնարկին անդրադառնում է նաև վրացական մամուլը: Sputnik Georgia-ի փոխանցմամբ՝ «ընտրությունների բացարձակ հաղթողը հայտնի է, գլխավոր ինտրիգը՝ թե որ կուսակցությունները կզբաղեցնեն երկրորդ և երրորդ տեղերը»: Кавказский Узел-ը՝ հղում անելով ՀՀ ոստիկանությանը, հայտնում է, որ ընտրություններին կարող է մասնակցել 2 միլիոն 573 հազար 779 մարդ: «Խարիզմատիկ 43-ամյա Նիկոլ Փաշինյանը, ով իշխանության եկավ մայիսին, գերիշխող դիրք ունի: Նա պայքարում է աղքատության, գործազրկության և կոռուպցիայի դեմ: Նրա հռետորաբանությունն ու ոճը նպաստում են երկրի ժողովրդավարության ամրապնդմանը»,- գրում է Madison.com-ը: Latimes-ի խոսքով՝ «Նիկոլ Փաշինյանի «Իմ քայլ»-ը դաշինքն առաջատար է, մինչդեռ նախկին «Հանրապետական» կուսակցությունը հետ է մնում»: «Հայաստանում ապրիլին տեղի ունեցած թավշյա հեղափոխության հետևում կանգնած մարդուն կիրակի լուրջ փորձություն է սպասվում արտահերթ խորհրդարանական ընտրությունների տեսքով»,- ասվում է BBC-ի հոդվածում: Հայաստանի արտահերթ խորհրդարանական ընտրություններին անդրադարձ են կատարում նաև New York Times-ը, Dailytimes-ը, Herald-ը, Al Jazeera-ն և այլ միջազգային հեղինակավոր լրատվամիջոցներ: |
«Սեյրան Օհանյանը դահլիճում չէ. անընդհատ բժշկի թուղթ բերելով՝ չեմ կարող հարգելի համարել». Ալեն Սիմոնյան
8411:24«Կտրիճ Ներսիսյանն էլ է իմ եղբայրը»․ Նիկոլ Փաշինյան
7911:18Ադրբեջանի դեսպանը ՌԴ ԱԳՆ-ում է՝ «Sputnik Ադրբեջան»-ի հետ կապված (տեսանյութ)
9511:10ԱԺ արտահերթ նիստը՝ ուղիղ միացմամբ (տեսանյութ)
7911:00«Ուրանի հարստացումից հետ չենք կանգնելու»․ Արաղչի (տեսանյութ)
9510:46««Գործ շինելուց» նույնիսկ հաշվի չեն առնում անձի ով լինելը»․ Տիգրան Աբրահամյան
11610:30Գազայի հատվածում Իսրայելի հարվածներից 95 պաղեստինցի է զոհվել
9510:22«ՌԴ-ն չի կարող շարունակել ժամանակ ձգձգել»․ Քելոգ
15110:16