«Պահն է, երբ ժողովուրդը պետք է ասի՝ ինչ երկրում է ցանկանում ապրել». Արմեն Սարգսյանը քվեարկեց

Երևանի 9/59 ընտրատեղամասում քվեարկեց նաև ՀՀ նախագահ Արմեն Սարգսյանը: Պատասխանելով արտասահմանցի լրագրողի հարցին, նա ասաց.

«Նախ, շնորհավորում եմ ՀՀ բոլոր քաղաքացիներին այս օրվա կապակցությամբ: Կարևոր օր է բոլորիս համար, ընտրությունների օրն է, երբ ժողովրդի իշխանությունը պետք է արտահայտվի: Պահն է, երբ ժողովուրդը պետք է ասի՝ ինչ երկրում է ցանկանում ապրել: Պահն է, երբ մարդիկ պետք է որոշեն իրենց ընտանիքի, իրենց երեխաների ապագան: Այսպիով, իմ մեսիջը պարզ է՝ շնորհավորանքներս բոլորին»:

«Ժողովուրդն իր կամքը պետք է արտահայտի: Եվ ես հույս ունեմ, որ մեզնից յուրաքանչյուրն իր պարտականությունը կկատրի՝ գալով ընտրատեղամաս և ընտրելով, ընդ որում, ընտրելով ազատ, անկաշկանդ և անկախ: Իսկապես հույս ունեմ, որ այս ընտրությունները կլինեն ազատ և անկախ: Եվ, հետևաբար, սրանք պետք է լինեն ընտրություններ ապագայի համար»,- հավելեց Արմեն Սարգսյանը: