«Փող բաժանողները գլխով հարվածելու են պատին». Էդմոն Մարուքյան

Քիչ առաջ «Լուսավոր Հայաստան» կուսակցության համամասնական ցուցակը գլխավորող Էդմոն Մարուքյանը քվեարկեց 1/20 ընտրատեղամասում: Լրագրողների այն հարցին՝ ինչ խախտումներ է արձանագրել կամ լսել ու ականատես եղել, Էդմոն Մարուքյանը պատասխանեց. «Հիմնական խախտումների մասինը լուրերը կապված են մասսայաբար փող բաժանելու հետ, երկրորդը՝ տեղամասերում դեպքեր ենք ունեցել, որ կտրոնները չեն կնիքվել և երրորդը՝ առաջին քվեաթերթիկը չի դրվում առաջին տեղում և վեցերորդն է դրվում մի քանի տեղեր: ՀՀ քաղաքացին պետք է որոշի, թե ինչպիսի երկրում է ցանկանում ապրել: Իրականում Վանաձորում փող բաժանելը երբեք չի աշխատել և փող բաժանողներն այսօր՝ գիշերը, գլխով հարվածելու են պատին, որովհետև պարզելու են, որ բաժանած փողն արդյունք չի տվել»: