Միջազգային մամուլը՝ հայաստանյան ընտրությունների մասին

Միջազգային մի շարք հեղինակավոր պարբերականներ անդրադարձել են Հայաստանում տեղի ունեցած արտահերթ խորհրդարանական ընտրությունների արդյունքներին և Նիկոլ Փաշինյանի գլխավորությամբ «Իմ քայլը» դաշինքի հաղթանակին, որը հավաքել էր ձայների 70,43%-ը:
Միջազգային լրատվամիջոցները հիշեցնում են, որ խորհրդարան անցնելու համար կուսակցությունները պետք է հավաքեին 5, իսկ դաշինքները՝ 7%: «Նախկին իշխող «Հանրապետական» կուսակցությունը չկարողացավ հաղթահարել նվազագույնի շեմը: Երկրի պատմության մեջ առաջին անգամ այն չանցավ խորհրդարան՝ հավաքելով ձայների ընդամենը 4,7%-ը: Կուսակցությունը խորհրդարանում էր 1995թ.-ից՝ օրենսդիր մարմնի հիմնադրման պահից»,- հաղորդում են միջազգային մի շարք հեղինակավոր պարբերականներ:
Բրիտանական BBC հեռուստաընկերությունն իր կայքում նշում է, որ այժմ ՀՀ վարչապետի պաշտոնակատար Նիկոլ Փաշինյանը կարող է իրագործել կոռուպցիայի դեմ պայքարի և տնտեսության բարելավման իր ծրագիրը:
«Այժմ ընտրություններն արդար են: Մենք հավատում ենք այն թեկնածուին, ում տվել ենք մեր ձայնը»,- BBC-ին ասել է հայ ընտրողներից մեկը:
Պաշտոնաթող նախագահ Սերժ Սարգսյանի գլխավորությամբ ՀՀԿ-ի պարտության մասին գրում են ադրբեջանական լրատվամիջոցները: «Փաշինյանը հաղթեց. Սարգսյանի կուսակցությունը դուրս է մնում խորհրդարանից»,- ասվում է ադրբեջանական կայքերում:
Ռուսական մամուլը նշում է, որ Փաշինյանն ստացավ ժողովրդի վստահությունը: «Հանրապետականները խայտառակ պարտություն կրեցին և խորհրդարանից դուրս մնացին: Փաշինյանի աղմկոտ հաղթանակը փաստում է, որ հանրությունը կպայքարի կոռուպցիայի դեմ և ճաղերի հետևում կթողնի նախկին իշխող կուսակցության ներկայացուցիչներին»,- գրում է Российская газета-ն:
«Սա հեղափոխության վերջնական հաղթանակը չէ, այլ միայն առաջին փուլն է: Հաջորդ փուլում անհրաժեշտ է տնտեսապես ուժեղ երկիր կառուցել»,- ТАСС-ը մեջբերում է Փաշինյանի խոսքը:
«Փաշինյանի՝ իշխանության գալուց հետո նախկին բարձրաստիճան պաշտոնյաներ հեռացվեցին աշխատանքից, որոշները ձերբակալվեցին: Վերաքննիչ դատարանն օրերս ձերբակալեց երկրի երկրոդ նախագահ Ռոբերտ Քոչարյանին՝ սահմանադրական կարգի տապալման մեղադրանքով: Իշխանափոխությունից հետո Փաշինյանը խոստացավ, որ Հայաստանի արտաքին քաղաքականությունում լուրջ փոփոխություններ չեն լինի»,- հիշեցնում է արաբական Al Jazeera հեռուստաալիքի կայքը:
Փաշինյանի գլխավորությամբ «Իմ քայլը» դաշինքի հաղթանակի մասին են գրում նաև Reuters, DW, Euronews, NYT, Indian Express, Xinhua, AFP, France24 և մի շարք այլ հեղինակավոր արտասահմանյան պարբերականներ:

«Գողին բարերար չփորձեք կոչել․ հեսա փողերը ձեռներիցդ կառնենք, կդառնաք քաղաքական բոմժ»․ Նիկոլ Փաշինյանը՝ ընդդիմադիրներին (տեսանյութ)
3418:42
«Ասում են՝ գյոզալ Ավստրալիան ու Բրազիլիան թողած՝ գնացել են Ադրբեջանի հետ են խաղաղություն հաստատում»․ Նիկոլ Փաշինյան (տեսանյութ)
5918:18
«Դու արջ քորող ստնտու ես»․ Նիկոլ Փաշինյանը՝ Մեսրոպ Մանուկյանին (տեսանյութ)
1318:00
«Նոր սահմանադրության ուղերձը մեկն է՝ մենք փակում ենք կոնֆլիկտների էջը բոլոր ուղղություններով»․ Նիկոլ Փաշինյան (տեսանյութ)
5317:42
Նիկոլ Փաշինյանն ընդունել է Գերմանիայի ԱԳ նախարարի գլխավորած պատվիրակությանը
6517:30
«Հերթով ձեր տեղը գտնում եք ՀՀ ինքնիշխան պետության բանտախցերում», «դուք ինձ սպառնո՞ւմ էիք». իրավիճակը՝ ԱԺ-ում (տեսանյութ)
8517:24
«Ադրբեջանի «վերջին պահանջը» ձևավորվում է Հայաստանում»․ Վահե Հովհաննիսյան
6617:06
«TRIPP նախագծի իրականացման գործնական փուլ ենք մտնում». Նիկոլ Փաշինյան (տեսանյութ)
5817:00