Երկուշաբթի, 20 ապրիլի, 2026 թ.
|
Ստեփանակերտում`   +8 °C

ԱԺ նոր նախագահի, փոխնախագահների անունները հայտնի են, օրենսդիրի կազմի 90%-ը պատրաստ է

ԱԺ նոր նախագահի, փոխնախագահների անունները հայտնի են, օրենսդիրի կազմի 90%-ը պատրաստ է
768
Չորեքշաբթի, 19 դեկտեմբերի, 2018 թ., 21:45

«Իմ քայլը» դաշինքը որպես ԱԺ նախագահ՝ կառաջադրի Արարատ Միրզոյանի, որպես փոխնախագահներ՝ Լենա Նազարյանի և Ալեն Սիմոնյանի թեկնածությունները։ Այս մասին այսօր՝ դեկտեմբերի 19–ին, «Մարիոթում» կայացած հավաքի ժամանակ վերջնական որոշում է կայացրել «Իմ քայլը» դաշինքը։

«Վարչապետն առաջարկեց թեկնածուներին, որոնց քննարկել էինք, հարցուպատասխան տեղի ունեցավ, քվեարկություն, թեկնածությունները հաստատվեցին»,– հավաքից հետո լրագրողներին ասաց Ալեն Սիմոնյանը։

Ալեն Սիմոնյանը վստահեցրեց, որ որոշումները միանձնյա չեն ընդունվում, եղել են երկար քննարկումներ, որոնք շարունակվել են այնքան, մինչև եկել են կոնսենսուսի և դա բոլոր թեկնածուների դեպքում՝ ԱԺ նախագահի, փոխնախագահի, բոլորի:

Քննարկվել են նաև հանձնաժողովների նախագահների անունները, այս պահին կա 10 հանձնաժողով, կառաջարկվի այդքան, թեպետ Սահմանադրությունը թույլ է տալիս ունենալ 12 հանձնաժողով:

Գործադիրի հարցը, ըստ Ալեն Սիմոնյանի, դեռ որոշված չէ, բայց Ազգային ժողովի կազմը 90%-ով պատրաստ է:

ԱԺ նոր նախագահի, փոխնախագահների անունները հայտնի են, օրենսդիրի կազմի 90%-ը պատրաստ է