«Մենք պիտի առաջինը լինենք, կամ չենք լինելու, մեր ապագայի սթափ բանաձևը դա է». Արա Արայան

Վերլուծաբան Արա Արայանը ֆեյսբուքյան իր էջում գրել է. «Դոնալդ Թրամփն հրամայել է ամերիկյան զորքերը սեղմ ժամկետներում (60-100 օրում) դուրս բերել Սիրիայից, պռոցեսն արդեն սկսվել է։ Իրավիճակն ավելի հետաքրքիր է դառնում։ Ու՞մ են Ամերիկացիները թողնում տարածաշրջանը, ի՞նչ նոր մարտավարություն և ծրագիր է սպասվում։ Առաջին հերթին պատճառները տնտեսական են, Ամերիկան իր գործն արեց, Ամերիկան կարող է հեռանալ, ավելի ճիշտ հեռու մնալ։ Գլոբալ տնտեսական ճգնաժամը նոր փուլ է մտնում և անիմաստ պատերազմների վրա ռեսուրս ծախսելն ավելի բարդ է դառնում։ Եվրոպայում Բրեքզիթ ու Դեղին բաճկոններ, Ռուսաստանում համակարգային ճգնաժամ։ Մի խոսքով, ամեն մարդ իրա դարդին, ոչ մեկի վրա հույս դնել չի կարելի, հատկապես դա վերաբերվում է Հայաստանին։ Մենք ունենք ՄԵԿ տարբերակ, դա երկիրում կարգ ու կանոնի հաստատումն է և առանց ավելորդ պոպուլիզմի և գզվրտոցի, նոր Պետություն կառուցելուն ազգովի լծվելը։ Նորից եմ կրկնում, ՄԵԶ ՈՉ ՈՔ ՉԻ ՕԳՆԵԼՈՒ, ՈՉ ՀՅՈՒՍԻՍԻՑ, ՈՉ ԱՐԵՎՄՈՒՏՔԻՑ։ Մենք մեզ օգնել կարող ենք, հին էլիտաները դրան չեն հավատացել, հները 30 տարին տանուլ տվեցին։ Ետ նայելու վարկյան չկա, միայն առաջ և վստահությամբ առաջ, այս տարածաշրջանում մենք պիտի ԱՌԱՋԻՆԸ լինենք, կամ չենք լինելու, մեր ապագայի սթափ բանաձևը դա է»: