Զախարովան՝ ԼՂ հարցում «կրեատիվ գաղափարների» մասին

Լեռնային Ղարաբաղի հակամարտության հետագա կարգավորումը պետք է հիմնվի «կրեատիվ գաղափարների» վրա: Այս մասին, «Вестник Кавказа» պարբերականի փոխանցմամբ, ասել է ՌԴ ԱԳՆ պաշտոնական ներկայացուցիչ Մարիա Զախարովան:

Զախարովան հայտնել է, որ ՌԴ ԱԳՆ ղեկավար Սերգեյ Լավրովի և Ադրբեջանի նախագահ Իլհամ Ալիևի հանդիպման ընթացքում քննարկվել է Լեռնային Ղարաբաղի հակամարտության հետագա կարգավորումը՝ Հայաստանում վերջնական իշխանափոխությունից հետո:

«Քննարկվել է ապագան, թե ինչ գաղափարներ կարող են մշակվել, և դրանք պետք է կրեատիվ լինեն»,- նշել է Զախարովան:

ՌԴ ԱԳՆ պաշտոնական ներկայացուցչի խոսքով՝ այժմ ակտիվ աշխատանքներ են տարվում նման գաղափարների ձևավորման ուղղությամբ: «Հենց նման մշակված, կրեատիվ գաղափարներ կաջակցվեն: Այժմ փորձագետները զբաղվում են այդ հարցով»,- հավելել է նա: