«Մի բան այնքան էլ հասկանալի չէ». Աշոտ Ադամյան

Դերասան, ռեժիսոր Աշոտ Ադամյանը ֆեյսբուքյան իր էջում գրել է. «Այն, որ Ռուսաստանը շատ է ուզում մնալ մեծ եղբայր՝ հասկանալի է․․․ Այն, որ ցանկանում է ամեն բան մնա այնպես, ինչպես եղել է տապալված ռեժիմի ժամանակ, էլի հասկանալի է, այն, որ ժամանակ առ ժամանակ հոխորտում է ու մկանների վարժանքներ է կատարում, հասկանալի է․․․
Այն, որ Հայաստանի առաջադրած նոր վարքագծից այնքան էլ գլուխ չի հանում, ակնհայտ է․․․ Մի բան այնքան էլ հասկանալի չէ՝ ինչո՞ւ ենք զարմանում, որ փոխհարաբերությունները նոր դրսևվորումներ են ստացել. այդպիսի բան է գեոպոլիտիկը․․․ Թե՞ ճահճի հանդարտությունից ավելի լավ բան չկա․․․ Վերլուծել կարելի է, բայց առանց խուճապի՝ բամբասանքը զատելով»: