«Մահ չկայ, մեռնում է փոքրոգին, մեռածն է մեռնում». այսօր Գարեգին Նժդեհի մահվան տարելիցն է

Ժիրայր Սեֆիլյանի կինը՝ Նանոր Սեֆիլյանն իր ֆեյսբուքյան էջում գրել է. «1955 Դեկտեմբերի 21-ին Բոլշևիկների արյունոտ ձեռքով բանտում, Աստված միայն գիտի՝ ինչ պայմաններում մահացավ Հայոց ամենանվիրյալ զավակներից Գարեգին Նժդեհը:
Արազի ափին ծնված ընկեր, գործդ շարունակելու ենք...»,- ֆեյսբուքյան իր էջում գրել է Ժիրայր Սեֆիլյանի կինը՝ Նանոր Սեֆիլյանը:

Նա հայ ազգային-քաղաքական և ռազմական հզոր գործիչ էր, ով ցավոք իր ժամանակաշրջանում չընդունվեց ինչպես հարկն էր, սակայն այդ ամենին դեմ նա ծավալում էր հայ ժողովրդի շահերից բխող գործունեություն, թե՛ հայրենիքում, թե հայրենիքի սահմաններից դուրս:

Ներկայացնում ենք Գարեգին Նժդեհի հզոր մտքերից.

Ոմանք արևը միայն խավարման ժամանակ են նկատում:

Չի կարելի օգնել այն ընկածին, եթե նրան պակասում է ինքնօգնությամբ ոտքի կանգնելու կամքը:

Շղթաների մեջ ծնվում, ապրում և մեռնու՞մ ես, դու ես մեղավոր, որովհետև թույլ ես:

Իրավունքը ուժի հասկացողություն է, այլ ոչ տրամաբանական:
Մի ժողովուրդ, որի որդիները հավասար չեն օրենքի եւ մահվան առջև հաղթական հայրենիք չի ունենա:

Ապագան վտանգված ժողովուրդների վերջին խաղաթուղթը՝ վերադաստիարակությունն է:

Քննադատել՝ հոգեպես տառապել է նշանակում:

Մահ չկայ, մեռնում է փոքրոգին, մեռածն է մեռնում:
Քաջերի յարութիւնն է մահը:
Ապստամբ ժողովրդին միայն Աստուած կարող է յաղթել:
Մի ժողովուրդ՝ մի ընտանիք:

Եթէ կեանքի նպատակը յաճոյքը համարեցիր, վախճանդ կորուստն է:

Միայն ազնիւն է զօրաւոր: