Ցուցարարները հրաժարվում են կատարել ոստիկանության պահանջը

Ոստիկանները հորդորում են էջմիածինցիներին բացել Էջմիածին-Երևան ճանապարհը, որը ցուցարարներն առավոտից փակ են պահում: «Ինքը ոստիկանության հսկողության տակ է, ավելորդ ոչինչ չի լինելու, ոստիկանությունը չի թողնի նրա կամ շրջապատի կողմից որևէ ավելորդություն: Բացեք ճանապարհը, գնանք, նստենք, խոսենք»,- ասաց ոստիկանության գնդապետը:

Մանվել Գրիգորյանի ազատ արձակման դեմ պայքարող էջմիածինցիները վանկարկեցին, որ չեն բացելու ճանապարհը: Նրանք պահանջեցին, որ արդարադատության նախարարը ժամանի Էջմիածին: