«Գուցե Մ. Հարությունյանի ՌԴ քաղաքացիությունն իրապես հիմնավոր չէ». Արթուր Սաքունց

653

Չորեքշաբթի, 26 դեկտեմբերի, 2018 թ., 20:15

Իրավապաշտպան Արթուր Սաքունցը ֆեյսբուքյան իր էջում գրում է. «Իսկ գուցե Մ. Հարությունյանի ՌԴ քաղաքացիությունն իրապես հիմնավոր չէ: Այսինքն ի սկզբանե հանդիսացել է ՀՀ քաղաքացի, իսկ ՌԴ-ի քաղաքացիությունը հետո է ստացել, ինչպես ՀՀ քաղաքացիներից շատերն՝ առանց ՀՀ քաղաքացիությունից հրաժարվելու, և այդ հանգամանքն ուղղակի Կրեմլն օգտագործում է Մ.Հարությունյանին ՀՀ արդարադատությանը չհանձնելու և հովանավորելու նպատակով, և նաև քննությանը խոչընդոտելու նպատակով:

Որովհետև եթե նա ընտրողների ռեգիստրում գրանցված է, ապա ՀՀ ոստիկանությունը դրա համար պետք է ունենար պատշաճ իրավական հիմքեր: Եթե, կրկնում եմ, եթե այս ամենը տեղի ունի, ապա Կրեմլն ուղղակի իր վրա է վերցնում 2008թ. մարտի 1-ի հանցագործության քննությանը խոչընդոտելու պատասխանատվությունը»: