Սենատը հաստատել է Լին Թրեյսիի թեկնածությունը Հայաստանում ԱՄՆ դեսպանի պաշտոնում
1375 Հինգշաբթի, 03 հունվարի, 2019 թ., 19:00 Միացյալ Նահանգների Սենատը երեկ հաստատել է Լին Թրեյսիին Հայաստանում ԱՄՆ դեսպանի պաշտոնում: «Ազատություն» ռադիոկայանի փոխանցմամբ՝ փորձառու դիվանագետը մինչ Հայաստան գալը Պետքարտուղարության՝ Ռուսաստանի հարցերով ավագ խորհրդականն էր, ավելի վաղ էլ բարձր պաշտոններ է զբաղեցրել Ռուսաստանում, Թուրքմենստանում, Ղազախստանում՝ Միացյալ Նահանգների դիվանագիտական առաքելություններում: Շաբաթներ առաջ, ելույթ ունենալով Սենատի արտաքին հարաբերությունների հանձնաժողովում, դեսպան Թրեյսին ընդգծված գովեստով էր խոսել Հայաստանում տեղի ունեցած խաղաղ իշխանափոխության մասին, միաժամանակ նկատել, որ Հայաստանը դեռ պետք է մեծ աշխատանք կատարի՝ ձեռքբերումներն ամրագրելու համար: «Այս տարվա ապրիլին և մայիսին հարյուր հազարավոր հայեր խաղաղ ցույցի էին դուրս եկել՝ իրենց կառավարությանը հաշվետու դարձնելու համար։ Շատերի նման ես էլ սրտի թրթիռով էի հետևում իշխանության խաղաղ փոխանցմանը։ Սակայն Հայաստանը դեռ շատ աշխատանք ունի կատարելու՝ վերջին վեց ամիսների ձեռքբերումներն ամրապնդելու համար»,- ասել էր նա։ Խոսելով իր առաջիկա ծրագրերի ու գերակայությունների մասին՝ Լին Թրեյսին խոստացել էր շարունակել իր նախորդի՝ դեսպան Ռիչարդ Միլզի առաքելությունը և սատարել հայ ժողովրդին ժողովդրավարական նկրտումների, կոռուպցիայի ու մենաշնորհների դեմ պայքարի, մարդու իրավունքների պաշտպանության ու անկախ դատական համակարգի կայացման հարցում. - «Մեր քաղաքականության նպատակն է տեսնել անկախ, ժողովրդավար ու բարգավաճ հայաստան, որը խաղաղության մեջ է հարևանների հետ և ինքնիշխան իր գործընկերներին ազատորեն ընտրելու հարցում»: Ապագա գերակայությունների շարքում դեսպանը հատուկ առանձնացրել էր նաև ղարաբաղյան խնդիրը՝ ընդգծելով՝ հակամարտության խաղաղ կարգավորումը կենսական նշանակություն ունի Հայաստանի, ինչպես նաև Հարավային Կովկասի առավել անվտանգ ու ապահով ապագայի համար: «Եթե հաստատվեմ դեսպանի պաշտոնում, ես կսատարեմ այս նպատակին հասնելու՝ Միացյալ Նահանգների վարչակազմի ջանքերին»,- ասել էր Թրեյսին: |
«Իսրայելում արդեն որոշումը կայացվել է». Արմեն Պետրոսյան
1103:06«Խիստ դատապարտելի ևս մի դրվագ է այսօր հանրայնացվում». Արմեն Մարտիրոսյան
7200:48«Մեռան սիմվոլներ ցույց տալով». Լ. Մաթևոսյան
11100:06«Արցախյան էջը վերջնական փակվում է»․ Տիգրան Քոչարյան
150Երեկ, 17:18«Քանի սա կա, մենք միայն հանձնելու ենք»․ Արա Վարդանյան
125Երեկ, 17:00«Այս ամենն արդեն գարշելի է»․ Գեղամ Ստեփանյան
166Երեկ, 16:54«Վետո կկիրառեմ «ռուսական օրենքի» նկատմամբ»․ Վրաստանի նախագահ
254Երեկ, 16:24«Իշխանության են մարդիկ, որոնք պատրաստ են ջնջել ամեն ինչ»․ Լևոն Զուրաբյան (տեսանյութ)
90Երեկ, 16:00