Հասան Ռոհանին շնորհավորել է Նիկոլ Փաշինյանին

Իրանի նախագահ Հասան Ռոհանին շնորհավորական ուղերձ է հղել Նիկոլ Փաշինյանին՝ ՀՀ վարչապետի պաշտոնում վերանշանակվելու կապակցությամբ, հաղորդում է Mehr գործակալությունը:

Ռոհանին հույս է հայտնել, որ վերանշանակումը կնպաստի երկու երկրների միջև հարաբերությունների հետագա զարգացմանն ու երկկողմ, տարածաշրջանային և միջազգային հարցերում հարաբերությունների խորացմանը:

Նա նաև առողջություն և հաջողություն է մաղթել վարչապետին, ինչպես նաև բարգավաճում՝ հայ ժողովրդին: