Ականի պայթյունից վիրավորվածի ինքնությունը հայտնի է. նա կորցրել է ոտնաթաթը

Ինչպես ավելի վաղ հայտնել էինք, այսօր ականի պայթյունից վիրավորվել էր Բարեկամավանի բնակիչներից մեկը: MAMUL.am-ին հաջողվեց մանրամասներ պարզել: Մեզ հետ զրույցում Կոթիի բնակչ, Ազգային գվարդիայի անդամ Վահան Ազիբեկյանը հայտնեց, որ վիրավորվածը Բարեկամավանի բնակիչ Արման Խալաթի Միքայելյանն է, ով հոգեկան խնդիրներ ունի: Միքայելյանը մոտեցել է սահմանին, փշալարը անցել, ականի պայթյունի հետևանքով վիրավորվել և ոտնաթաթը կորցրել։ Նրան հնարավոր է եղել դեպքի վայրից դուրս բերել միայն համապատասխան ստորաբաժանման միջոցով՝ 18:00-ի սահմաններում:

Ներկա պահին Նոյեմբերյանի հոսպիտալում վիրահատում են Արման Միքայելյանին։