«Սեփական երկիրը գովազդելու ուղղակի հրաշալի միջոց է». Վարդան Ոսկանյան

Իրանագետ Վարդան Ոսկանյանը ֆեյսբուքյան իր էջում գրել է. «Փորձեցի հետաքրքրվել, թե արդյո՞ք իրանցիները ներկա՞ են Դավոսում, և ո՜վ, զարմանք, համաշխարհային այդ նշանակալի հավաքին Իրանը ներկայացնում է երիտասարդ, բայց արդեն իսկ նշանավոր նկարիչ Մեհդի Ղադիանլուն, որը համաշխարհային հռչակ է ձեռք բերել՝ ծավալային գործերով նկարազարդելով մայրաքաղաք Թեհրանի շենքերի պատերը։

Սեփական երկիրը գովազդելու ուղղակի հրաշալի միջոց է՝ բոլորը թող խոսեն քաղաքականությունից և տնտեսությունից, իսկ Իրանը կխոսի մշակույթից և մշակույթի լեզվով։

Լուսանկարում՝ Մեհդի Ղադիանլուի նկարը Թեհրանի շենքերից մեկի պատին»։