Հայկական բանակը 27 տարեկան է

1013

Երկուշաբթի, 28 հունվարի, 2019 թ., 10:00

Հունվարի 28-ը հայոց բանակի օրն է: 1991-ի, ՀՀ կառավարության որոշմամբ, Մինիստրների խորհրդում ստեղծվեց Պաշտպանության պետական կոմիտե, իսկ հոկտեմբերի 5-ից, ՀՀ նախագահի հրամանով, պաշտպանության նախարար նշանակվեց Վազգեն Սարգսյանը: 1992թ. հունվարի 28-ին պատմական որոշում ընդունվեց «Հայաստանի Հանրապետության պաշտպանության վերաբերյալ»՝ այդ կերպ հայտնելով Հայկական Ազգային Բանակի ստեղծման մասին: Պետության կայացման ու անկախության ամրապնդման գործում մեծ է զինված ուժերի դերը: 1988-ին սկսված արցախյան շարժումը հիմքեր նախապատրաստեց ՀՀ ԶՈՒ-ի կայացման համար: Ազգային զարթոնքը, որը ուղեկցվում էր միասնականությամբ ու անկախության մեծագույն ձգտումով մեր պատմության ու երրորդ Հանրապետության կայացման կարևորագույն գործոնն էին:

Յուրաքանչյուր հայ գիտի, որ հենց այդ բանակի շնորհիվ հայոց պետականությունը վերածնվեց հաղթական հիմքի վրա՝ վերադարձնելով մեզ սեփական ուժերին ապավինելու և մեր ապագան ինքնուրույն կառուցելու կարևորության գիտակցումը:

Հայոց բանակն ամեն օր ապացուցում է, որ հակառակորդի հոխորտանքները ոչինչ չարժեն, քանի որ սահմանին կանգնած ու կանգնելու է պատրաստված ու գիտակից հայ զինվորը:

Շնորհավո՛ր տոնդ, Հայոց Բանակ: