«Անցած տարի այս տեքստն էինք գրաֆիտի անում քաղաքում». Արման Ղարիբյան

«Իրավունքի ուժը» ՀԿ համահիմնադիր Արման Ղարիբյանը ֆեյսբուքյան իր էջում գրել է. «Ես ծառայեմ՝ Սերժը հերստանա». անցած տարի՝ հունվարի 28-ին, այս տեքստն էինք գրաֆիտի անում քաղաքում։ Գիշերվա 3-ին տարան ոստիկանություն, բայց չկարողացան վարչական տուգանք գրել... Ամիսներ անց բացահայտվեց տուշոնկա Մանվելի թալանը։ Հուսով եմ այլևս ոչ մեկ չի հարստանում 18 տարեկան երեխաներին պարտադրված ծառայության հաշվին։ Ու առհասարակ, խաղաղության պիտի ձգտենք, պատերազմում հաղթողներ չեն լինում։
Հ.Գ. Իմ կարծիքով, ապրիլյան ցույցերի ժամանակ ոստիկանության կենտրոնի բաժնի պետն ինձ ճանաչել էր հենց այդ գրաֆիտիի պատմությունից ու դիտմամբ էր հանձնարարել վնասել ինձ։ Այդ պահին փողոցը բացելիս ոստիկանները միայն ինձ էին վնասել, թեև չէի դիմադրել։ Գործողությունը ղեկավարում էր նա»։