«Անհատական գործեր չենք մեկնաբանում». ԵՄ հանձնակատարը՝ Ռ. Քոչարյանի գործի մասին

Եվրոպական հանձնաժողովի հարևանության և ընդլայնման հարցերով հանձնակատար Յոհաննես Հաանն այսօր ՀՀ արտաքին գործերի նախարար Զոհրաբ Մնացականյանի հետ համատեղ մամուլի ասուլիսի ժամանակ անդրադարձել է ՀՀ երկրորդ նախագահ Ռոբերտ Քոչարյանի դեմ հարուցված քրեական գործին:

«Գիտեմ, որ մեկնաբանություն եք ակնկալում, սակայն դա կլինի հնչեղ, թե պակաս հնչեղ գործ, սովորաբար չենք մեկնաբանում անհատական գործերը, քանի որ իրավունքի գերիշխանության խնդիր է: Հասկանում ենք, որ դա դատական համակարգի գործն է, և մենք չպետք է մեկնաբանություններ անենք, որպեսզի չազդենք այս կամ այն ուղղության վրա, ուստի խնդրում եմ ըմբռնումով մոտենալ»,- ասել է Հաանը: