Փաշինյանը Քյոլնում անդրադարձել է Արցախի հարցում փոխզիջումների թեմային

Քյոլնում տեղի հայ համայնքի ներկայացուցիչների հետ հանդիպման ժամանակ՝ պատասխանելով Արցախի հակամարտության կարգավորման հարցում հնարավոր փոխզիջումների մասին հարցին, վարչապետ Նիկոլ Փաշինյանը ասաց. «Ինչո՞ւ են մեզ բոլորը հարցնում՝ պատրաստ ենք փոխզիջումների, թե ոչ: Իսկ ով է ասել, որ այդ հարցի պատասխանող առաջնային սուբյեկտը մենք ենք: Ինչո՞ւ որևէ մեկն Ադրբեջանին չի հարցնում՝ նրանք փոխզիջումների պատրաստ են, թե ոչ: Եվ հետևաբար, ես մի քանի անգամ ասել եմ հրապարակային, որ մենք այդ հարցին չենք պատասխանի այնքան ժամանակ, քանի դեռ Ադրբեջանը չի պատասխանել»: