Ուրբաթ, 22 սեպտեմբերի, 2023 թ.
|
Ստեփանակերտում`   +18 °C

«Էրդողանը բացահայտ կերպով փորձում է Սիրիայում ժողովրդագրական փոփոխություն իրականացնել». Կ. Հովհաննիսյան

«Էրդողանը բացահայտ կերպով փորձում է Սիրիայում ժողովրդագրական փոփոխություն իրականացնել». Կ. Հովհաննիսյան
876
Կիրակի, 17 փետրվարի, 2019 թ., 02:10

Ռազմական վերլուծաբան Կարեն Հովհաննիսյանը ֆեյսբուքյան իր էջում գրել է. «Երբ դեկտեմբերին ԱՄՆ նախագահը բոլորին անսպասելի հայտարարեց, որ ամերիկյան զորքը դուրս է բերում Սիրիայից, գրեթե բոլորը սկսեցին մեղադրել ԱՄՆ-ին՝ քրդերին թիկունքից հարվածելու մեջ: Այդ ժամանակ ես իմ բազմաթիվ հարցազրույցներում պնդում էի, որ ԱՄՆ-ն դա չի անի մոտ ապագայում և որ իսկապես ԱՄՆ-ն պետք է մի օր զորքը հանի Սիրիայից, բայց դա երբ տեղի կունենա, դեռ պարզ չի: ԱՄՆ նախագահ Դոնալդ Թրամփը ևս չհայտնեց զորքերի դուրս բերման մասին հստակ ժամանակացույց: Սա ԱՄՆ-ի կողմից Թուրքիային ուղղված հստակ մեսիջ էր Ռուսաստանի և Իրանի հետ ռազմական համագործակցությունը վերանայելու համար:
Այսօր արդեն Թուրքիայի նախագահ Ռեջեփ Թայիփ Էրդողանը, երբ նախօրեին Սոչիում հանդիպում է Իրանի և ՌԴ-ի ղեկավարների հետ, հայտարարում է, որ եռակողմ հանդիպումը կառուցողական է եղել, և նախատեսվում է հաջորդ եռակողմ հանդիպումն անցկացնել Սիրիայում, այնուհետև իր մտահոգությունն արտահայտում ԱՄՆ-ի կողմից զորքերը Սիրիայից դուրս բերման մասին խոստումը չկատարելու վերաբերյալ: Նա նույնիկս հեռուն գնացող հայտարարություն է կատարում՝ խառնվելով Սիրիայի ներքին գործերին: Հայտարարում է, որ Մանբիջում, որտեղ ԱՄՆ-ն և քրդական ռազմական ուժերը համատեղ իրականացնում են հակաահաբեկչական գործողություններ, բնակչության 80-90 տոկոսը արաբներ են: Այսինքն Էրդողանը փորձում է Սիրիայում բացահայտ կերպով իրականացնել նաև ժողովրդագրական փոփոխություն, սակայն առայժմ հայտարարությունների տեսքով»: