«Կկարողանա՞ բանտարկյալից վարչապետ դարձած Փաշինյանը կառավարել». The Christian Science Monitor
2412 Չորեքշաբթի, 20 փետրվարի, 2019 թ., 16:15 The Christian Science Monitor միջազգային պարբերականը ծավալուն հոդված է հրապարակել ՀՀ վարչապետ Նիկոլ Փաշինյանի և Հայաստանում տեղի ունեցած ներքաղաքական իրադարձությունների մասին: «Կկարողանա՞ բանտարկյալից վարչապետ դարձած Փաշինյանը կառավարել» վերնագրով հոդվածում ասվում է, որ Նիկոլ Փաշինյանն «անսպասելի դարձավ վարչապետ», և ներկայացվում են տեղի ունեցած իրադարձությունները: Պարբերականը գրում է նաև 2008-ի մարտի 1-ի իրադարձությունների մասին՝ նշելով, որ Հայաստանի մայրաքաղաք Երևանում 10 մարդ զոհվեց, իսկ Փաշինյանը «քավության նոխազ» դարձավ իշխանությունների համար, նրան փորձում էին փակի տակ պահել: «Նա մեկ տարուց ավելի փակի տակ մնաց: Ի վերջո, Փաշինյանին համաներմամբ ազատ արձակեցին: Իր հակառակորդների համար նա էքսցենտրիկ է, ինքնագոհ, իսկ աջակիցների համար՝ սկզբունքային և ժողովրդի շահերն իր շահերից վեր դասող: Չնայած դրան՝ երկու ճակատներն էլ համաձայն են մեկ հարցում. մարդ, ով ղեկավարեց հեքիաթային հեղափոխությունն ու Հայաստանին ժողովրդավարացման ուղու վրա դրեց, անհավանական խարիզմա ունի»,- նշում է պարբերականը: The Christian Science Monitor-ն ընդգծում է, որ 2018-ի գարնանը Հայաստանը հայտնվեց համաշխարհային առաջատար մամուլի գլխագրերում: «Հարավային Կովկասում գտնվող փոքր երկիրը, որը սեղմված է Եվրոպայի և Ասիայի, Մերձավոր Արևելքի և Ռուսաստանի միջև, բացարձակ խաղաղ հեղափոխություն իրականացրեց: Հարյուր հազարավոր մարդիկ պայքարեցին կոռուպցիայի և նախկին վարչապետ Սերժ Սարգսյանի դեմ»,- գրում է հոդվածագիրը՝ հիշեցնելով, որ The Economist-ը Հայաստանը «Տարվա երկիր» է ճանաչել: «Նիկոլ Փաշինյանը ճիշտ էր, ես սխալվեցի»,- Ս. Սարգսյանի խոսքն է մեջբերում պարբերականը՝ նշելով, որ շատերը չէին սպասում, որ նա այդքան հեշտ հրաժարական կտա: Պարբերականը ներկայացնում է նաև Նիկոլ Փաշինյանի կենսագրությունը: «Լրագրող, ընդդիմության առաջնորդ և հեղափոխական վարչապետն այժմ մեկ խնդիր ունի իր առջև դրված՝ կառավարել: Փողոցային հեղափոխության գլխավոր դասերից մեկն այն է, որ մարդիկ արագ բարեփոխումների են սպասում: Շատ քննադատներ կասկածում են, որ Փաշինյանը կկարողանա միավորել դեռևս փխրուն ժողովրդին, որը մշտական լարվածության մեջ է հարևանների հետ և մշտապես անհարմար հարաբերությունների մեջ՝ Ռուսաստանի հետ: Սակայն շատերը կարծում են, որ նա իրական, երկարաժամկետ փոփոխությունների տեսլական ունի»,- նշում է The Christian Science Monitor-ի հոդվածագիրը՝ ևս մեկ անգամ գրելով Փաշինյանի խարիզմայի մասին: «Մեր սիրելի վարչապետի կերպարով այժմ iPhone-ի պատյաններ, շապիկներ և նույնիսկ մատնահարդարում կա: Նրան պատկերում են, ինչպես կպատկերեին սրբի կամ կայսրի: Կարծում եմ՝ նուրբ սահման կա ապրանքի և անձի պաշտամունքի միջև, և այդ սահմանն անցել են»,- պարբերականը մեջբերում է տեղեկատվական տեխնոլոգիաների գծով մասնագետ Ռուբեն Մուրադյանի խոսքը: Ինչպես և պարոն Մուրադյանը, նշում է պարբերականը, շատերը մտահոգված են, որ չափազանց մեծ հույսեր են կապում մեկ մարդու հետ: «Փաշինյանը չի հասկանում, թե ինչու է վտանգավոր անձի պաշտամունքը, և դա մտահոգիչ է»,- հավելում է Ռ. Մուրադյանը: Հոդվածագիրը եզրափակում է, որ ամեն ինչ կախված է Փաշինյանից և նրա կարողություններից: |
«Կարելի է միայն ենթադրել, թե ինչեր է երգել Արայիկ Հարությունյանը»․ Ստեփան Դանիելյան
14417:30«Տավուշն առաջին թիրախն է, երկրորդն արդեն Արարատը կլինի»․Տիգրան Աբրահամյան
8617:24«Մեկ րոպե ուշացումը կործանարար է»․ Էդգար Ղազարյան
11717:18Բողոքի ակցիա՝ կառավարության շենքի դիմաց (տեսանյութ)
11116:54«Շատերը կասեն, թե Բագրատ Սրբազանը ռիսկ էր»․ Հակոբ Բադալյան
11616:48«ՀՀ լինելիության հարցն ենք լուծում և լուծելու ենք»․ Նիկոլ Փաշինյան (տեսանյութ)
12716:30«Ուրախալի է, որ Հայաստանն ու Ադրբեջանը սահմանազատման հետ կապված պայմանավորվածություն են ձեռք բերել»․ Շոլց
15616:24Հայաստանը ստացել է Ալեն Սիմոնյանի հայտարարության հետ կապված Ռուսաստանի նամակը
12815:54