«Ինչո՞ւ ՊՊԾ, ինչո՞ւ չգնացին Բաղրամյան 26...». Արայիկ Պապիկյան

Փաստաբան Արայիկ Պապիկյանը ֆեյսբուքյան իր էջում գրել է. «Ինչո՞ւ ՊՊԾ, ինչո՞ւ չգնացին Բաղրամյան 26... Այս հարցը շատ է հնչել։ «Պաշտոնական» պատասխանը դեռ չի տրվել, հուսամ դա կհնչի Հայկական Նյուրնբերգում։ Ես մի փոքր գաղտնիք բացահայտեմ։ Ապստամբների բանտարկության ժամանակ նրանցից մեկը հետևյալն ասաց. «Բաղրամյան 26-ը ժողովրդի իշխանության վայրն է։ Եթե մենք ազատագրեինք Բ26-ը, մեզ կարող էին մեղադրել կամ պիտակավորել «աթոռակռվի» համար։ Մեզ աթոռ պետք չէր։ Բ26-ը ազատագրելու բացառիկ իրավունքը ժողովրդինն է, մենք չէինք կարող դա անել, բայց մենք պարտավոր էինք որևէ կերպ աջակցել ժողովրդին մեր հայրենիքում ժողովրդաիշխանություն հաստատելու հարցում։ Մենք ընդամենը պետք է խոչընդոտեինք ենիչերների հնարավոր գործողությունները ժողովրդի կողմից Բ26-ն ազատագրելու գործում»»։