«Ոստիկանությունն ունի շատ-շատ ինֆորմացիաներ, որ հրապարակման ենթակա չեն». Վալերի Օսիպյան

ԱԺ-ում «Իմ քայլը» խմբակցության հետ հանդիպումից հետո լրագրողների հետ ճեպազրույցի ժամանակ ՀՀ ոստիկանապետ Վալերի Օսիպյանը՝ անդրադառնալով «Սասնա Ծռեր» կուսակցության համակարգող Ժիրայր Սեֆիլյանի այն հայտարարությանը, որ իրենց համբերության բաժակը լցվել է, և եթե իրենց երկու կալանավորված ընկերներին ազատ չարձակեն, բողոքի ակցիաներ կսկսեն:

«Ով ուզում է լինի, ոստիկանությունը գործելու է օրենքի սահմաններում, ոստիկանությունը տիրապետում է բոլոր տվյալներին: Ոստիկանությունն ունի շատ-շատ ինֆորմացիաներ, որ օրենքի սահմաններում ձեռք բերված և հրապարակման ենթակա չէ, այո, մենք տիրապետում ենք բոլոր տվյալներին: Եթե մի քանի հոգի փողոց են փակում, և եթե ոստիկանությունն անմիջապես հետո չի բացում, դա չի նշանակում, որ չի կարող: Մենք կարող ենք հաշված րոպեների ընթացքում այդ ամենը բացել ու վերականգնել երթևեկությունը, և միայն Ժիրայի Սեֆիլյանի պարագայում չէ, այլ ցանկացած դեպքում, եթե որևէ մեկը ՀՀ-ում որևէ կարգ խախտի, կարժանանա ՀՀ օրենքի սահմաններում գնահատականների»: