«Մենք արդեն վստահություն ունենք իրավապահ մարմինների նկատմամբ». Լևոն Զուրաբյան

ՀԱԿ փոխնախագահ Լևոն Զուրաբյանը, լրագրողների հետ զրույցի ժամանակ, խոսելով Մարտի 1-ի դեպքերի բացահայտման ուղղությամբ իրավապահ մարմինների կողմից տարվող աշխատանքների մասին, «Ազատության» եթերում ասել է. «Ամենակարևոր բանը, որ փոխվել է՝ այն է, որ մենք արդեն վստահություն ունենք իրավապահ մարմինների նկատմամբ: Մենք տեսնում ենք, որ այլևս պարտակման, կոծկման ուղղությունը չկա, ավելին՝ բացահայտվում են նախկինում նույն իրավապահ մարմինների կողմից պարտակման դեպքերը, բացահայտվում են նոր փաստեր: Այս ամենը հույս է ներշնչում, որ կարեի է վստահել քննությանը և կարելի է հույս ունենալ, որ կատարողները, կազմակերպիչները, հրաման տվողները կբերվեն արդարադատության»: