Շաբաթ, 25 մայիսի, 2019 թ.
|
Ստեփանակերտում`   +17 °C

«Ինչեր չես անի՝ հանուն նախընտրական քարոզարշավի հաջողության». համացանցի արձագանքը՝ Էրդողանի հայերեն գրառմանը

«Ինչեր չես անի՝ հանուն նախընտրական քարոզարշավի հաջողության». համացանցի արձագանքը՝ Էրդողանի հայերեն գրառմանը
97
Շաբաթ, 09 մարտի, 2019 թ., 10:10

Երեկվանից համացանցում քննարկվում է Թուրքիայի նախագահ Էրդողանի թվիթերյան գրառումը. նա հայերենով ցավակցել էր Պոլսո պատրիարք Մութաֆյանի մահվան կապակցությամբ:

ՀՀ պետական վերահսկողական ծառայության պետ Դավիթ Սանասարյանը ֆեյսբուքյան իր էջում գրել է. «Հային շատ բան պետք չի. միայն մի քանի բառ ասեն հայերեն ու միանգամից (անգամ ցեխոտ ոտքերով) կմտնեն աչքը։ Նկատած կլինեք երբ որևէ երկրի դիվանագետ, պաշտոնյա հայերեն բարև է ասում, միանգամից դահլիճը ողողվում է ծափահարություններով, երկու իրար կողք նստած ասում են՝ վաաա՜յ, լսեցի՞ր, հալալ է.... էսպիսին է հայը, նրան մի քիչ ուշադրություն դարձրու ու սիրտը ափիդ մեջ է։

Էսօր Էրդողանը ալեկոծեց հային, քանի որ հայերենով ցավակցեց հայ հոգևորականի մահվան կապակցությամբ... Էական չի սրտանց էր, թե դիվանագիտական հնարք, էական չի նպատակը, էականը նրա հայերենն էր...»:

Էրդողանի գրառմանն արձագանքել է նաև թուրքագետ Վարուժան Գեղամյանը. «Էրդողանը հայերենով գրառում է արել Թվիթերում՝ ցավակցելով «իր հայ քաղաքացիներին»։
Ինչեր չես անի հանուն նախընտրական քարոզարշավի հաջողության։ Ստամբուլում իշխող կուսակցության համար հայերի ձայները կարևոր են։ Իսկ ընտրությունները՝ մարտի 31-ին»:

«Թուրքին երբեք չի կարելի վստահել, նույնիսկ եթե նա քաղցր հայերենով է խոսում։ Մի ձեռքում հայերեն տառերն են, իսկ մյուսին՝ յաթաղանը»,- սա էլ լրագրող Կարպիս Փաշոյանի գրառումն է: