Արթուր Դավթյանը՝ Վահան Շիրխանյանի աղմկահարույց նամակի մասին

Այսօր ՀՀ գլխավոր դատախազ Արթուր Դավթյանը լրագրողների հետ զրույցի ժամանակ անդրադարձավ Վահան Շիրխանյանի աղմկահարույց նամակին՝ ուղղված Ռոբերտ Քոչարյանին: «Ես այնտեղ տեսել եմ հանգամանքներ, որոնք իրավական գնահատականի անհրաժեշտություն ունեն: Իսկ թե դրանք քրեական գործ հարուցելու, քրեական հետապնդման համար հիմնավոր կլինեն, թե՝ ոչ, արդեն իրականացված ստուգողական գործողություններով ձեռք բերված փաստական տվյալները ցույց կտան»,-ասել է նա:

Գլխավոր դատախազը հակադարձեց դիտարկմանը՝ նախկին իշխանությունն իրեն հաճախ էր քուանշում. «Ես ընտրվել եմ Ազգային ժողովի կողմից, ես գլխավոր դատախազն եմ: Ես, իմ աշխատանքը իրականացնելիս, որևէ խոչընդոտի չեմ հանդիպել և ես շարունակում եմ իմ պարտականությունները կատարել»:

Հարցին, թե ինչպես գլխավոր դատախազը լեզու գտավ նոր իշխանության հետ, Դավթյանը պատասխանեց. «Որևէ առիթով լեզու գտնել-չգտնելու, հարմարվել-չհարմարվելու խնդրի առաջ երբևէ չեմ կանգնել»: