«Ադրբեջանն առիթ ստացավ հերթական անգամ Հայաստանին մեղադրելու ագրեսոր լինելու մեջ». Ոսկան Սարգսյան

Լրագրող Ոսկան Սարգսյանը ֆեյսբուքյան իր էջում գրել է. «Նոր տարածքներ՝ նոր պատերազմի դեպքում։ Դավիթ Տոնոյանի այդ ձևակերպումը ճիշտ կլիներ, եթե այդ ձևակերպման սկզբում ասվեր՝ եթե Ադրբեջանը պատերազմ սկսի։ Նիկոլ Փաշինյանը լրագրողներին բացատրեց նրա ասածը, սակայն Տոնոյանի հայտարարածի նրա խմբագրումը մի տեսակ կիսատ ստացվեց։ Ադրբեջանը առիթ ստացավ հերթական անգամ Հայաստանին մեղադրելու ագրեսոր լինելու մեջ։ Մինչդեռ այսքան տարի Հայաստանը աշխարհին հայտարարում էր, որ Հայաստանը հակամարտության կողմ չէ․ Ադրբեջանն է հակամարտում անկախացած Արցախի հետ»։