«Երբ մոլեգնում են ռոբասերժիկները, ուրեմն ամեն բան բարեհաջող է անցել»․ Արթուր Հայրապետյան

Գրող, լրագրող Արթուր Հայրապետյանը ֆեյսբուքյան իր էջում գրել է. «Ու երբ մոլեգնում են ռոբասերժիկները, ուրեմն ամեն բան բարեհաջող է անցել։ Ըմբռնումով մոտեցեք նրանց, որովհետև տարիներ շարունակ նրանք, ԵԽԽՎ-ում իրենց ճառասացի դերում մնալով, չեն կարողացել հստակ, փաստարկված ձևակերպումների միջոցով հանդես գալ, վախվորած, այս կամ այն պետության հետ հազար թելով կապկպված, բայց միևնույն ժամանակ հստակ դիրքորոշում չցուցաբերելով, Հայաստանը փորձել են երկակի խաղի կանոններով չարչրկել՝ լավամարդ երևալ և արդյունքում ոչինչի չհասնելու խեղճության դիրքերից հանդես գալ։ Ինչևէ։ Այն, որ Հայաստանը հանդես եկավ քաղաքակրթական նոր արժեքներ կրողի դիրքից, ինչ խոսք անհերքելի է: Հնչեցին բավականաչափ մոլորեցնող՝ սադրիչ հարցադրումներ, ինչն էլ դիվանագիտական պատասխաններով Փաշինյանը կարողացավ պատվով՝ իր դիրքերն ամրապնդել և ազգամիջյան կոնֆլիկտներից խուսափելով պատասխանել ցանկացած հարցի։ Ինչպես նաև Արցախի մասնակցության հարցը բանակցային գործընթացում կարևորելն ու անդրադառնալով ապրիլյան պատերազմի հիշատակման խելամիտ ակնարկը վկա։ Ինչ խոսք, ակամայից հիշեցի նախորդների գլուխկախ քաղաքականության խեղճությունն ու քնով անցնելը, և այսօրվա սթափեցնող ու արժանապատիվ պահվածքը ԵԽԽՎ-ում, ոչ միայն ուրախացնող, այլ նաև հուսադրող քայլեր են՝ վաղվա, «ոչ մի վատ բան չլինելու նախադրյալներ»»։