Ուրբաթ, 29 մարտի, 2024 թ.
|
Ստեփանակերտում`   +16 °C

«Նոր իշխանությունը չպետք է ուշացնի համակարգային և արմատական փոփոխությունները»․ Արթուր Սաքունց

«Նոր իշխանությունը չպետք է ուշացնի համակարգային և արմատական փոփոխությունները»․ Արթուր Սաքունց
198
Երեքշաբթի, 23 ապրիլի, 2019 թ., 10:20

Իրավապաշտպան Արթուր Սաքունցը ֆեյսբուքյան իր էջում գրել է. «Հազար, միլիոն անգամ ասեցինք ու տեղ չի հասնում... Թավշյա հեղափոխության արդյունքում մերժվածները որևէ հույս չունենան, թե իրենք երբևէ տեղ կամ դեր կարող է ունենալ Հայաստանի Հանրապետության օրակարգում: Ինչ սխալներ, թերություններ էլ թույլ տա այս իշխանությունը, դա չի կարող փոքր-ինչ հույսի առաջացման հիմք հանդիսանալ Ձեզ համար: Դուք մերժված եք Ձեր ողջ կառավարման անպատժելիությամբ, համակարգային կոռուպցիայով, ընտրությունների արդյունքների լկտի կեղծիքներով, 30% աղքատությամբ, ի վերջո, պետության զավթմամբ, ստրկացմամբ: Զբաղմունք գտեք, փաստաբան գտեք, չգիտեմ, քավարան գտեք, ապաշխարհեք, ի վերջո, եթե հավատացյալ եք ներկայանում: Նոր իշխանությունն էլ չպետք է ուշացնի համակարգային և արմատական փոփոխությունները, անհրաժեշտ սահանադրական և օրենսդրական երաշխիքներ մշակի միակուսակցական կառավարման համակարգի որևէ վերականգնումը կանխելու դեմ: Հինգ տարին շատ չէ, բայց նաև քիչ չէ»։