«Ի՞նչ է ստացվում՝ Պաշտպանության նախարարը և վարչապետն իրարից անկա՞խ են գործում»․ Սամվել Ասլիկյան

«Սասնա Ծռեր» համահայկական կուսակցության աջակիցներից Սամվել Ասլիկյանը սոցկայքի իր էջում գրել է. «Այն հարցին, թե արդյո՞ք ապրիլյան պատերազմը պայմանավորված էր, Դավիթ Տոնոնյանը պատասխանեց․ «Չկա այդպիսի բան»: Մի քանի ամիս առաջ Փաշինյանը փաստեց, որ ապրիլյան պատերազմի օրերին հետախուզությունն աշխատել է ըստ պահանջի, որը ենթադրում է, որ ռազմա-քաղաքական հրամանատարությունը տեղյակ է եղել իրադարձություներին և, ըստ պահանջի, չի արձագանքել հետախուզության զեկույցին: Հիմա ի՞նչ է ստացվում՝ Պաշտպանության նախարարը և վարչապետն իրարից անկա՞խ են գործում:
«Սասնա Ծռեր» կուսակցությունն առաջարկ էր հղել ԱԺ նախագահ Արարատ Միրզոյանին լսումներ անցկացնել Աժ-ում ապրիլյան պատերազմի թեմայով՝ տարբեր շահագրգիռ կողմերի և շրջանակների մասնակությամբ: ԱԺ նախագահի կողմից արձագանք չեղավ, տարբեր պատգամավորների կոմից մերժվեց առաջարկը: Կարծում եմ՝ առնվազն ապրիլյան պատերազմի ժամանակ 100-ից ավել զոհերի ծնողները և ազգակիցներն են հանդես գալիս իրադարձություների քննության և բացահայտման պահանջով: Հասկանում եմ՝ այստեղ դուք չունեք անձնական վրեժխնդրության շահ, ինչպես Մարտի 1-ի գործում, նաև հասկանում եմ, որ այստեղ առկա են Սերժիկ Սարգսյանի և Ռուսաստանի հանգամանքները, և դրանից դուք նեղվում եք, բայց, ի վերջո, ժողովուրդը նաև այս գործի բացահայտման համար հեղափոխություն արեց 2018-ի ապրիլ-մայիս ամիսներին: Չէ՞»։