Ինչի՞ հետ է կապված առաջնագծում հակառակորդի ակտիվացումը. պարզաբանում է նախարարը

Հաղթանակի օրվա կապակցությամբ, լրագրողների հետ զրույցում՝ անդրադառնալով շփման գծում հակառակորդի ակտիվացման հանգամանքին և վիրավորում ստացած զինվորներին, Պաշտպանության նախարար Դավիթ Տոնոյանն ասել է. «Լարվածությունը, որը բերեց վիրավորումների, համապատասխան արձագանքի է արժանացել»: Հարցին՝ արդյոք ինչի՞ հետ է դա պայմանավորված, հատկապես, որ երկու նախագահների միջև հանդիպումներ եղան վերջին շրջանում, Դ. Տոնոյանն ասել է. «Քանի որ սկսվում են երկկողմանի ինժեներական աշխատանքներ, մենք դրա հետ ենք կապում: Ինժեներական աշխատանքները ձմռան փուլից հետո անցնում են գարնանային փուլի, բնականաբար, ինչ-որ աշխատանքներ պետք է տարվեն: Դրանով պայմանավորված՝ առաջնագիծն աշխուժանում է»,- ասաց նախարարը: