Հայտնի է Քոչարյանի և մյուսների գործով առաջին դատական նիստի օրը

ՀՀ երկրորդ նախագահ Ռոբերտ Քոչարյանի և մյուսների գործով առաջին դատական նիստը տեղի կունենա մայիսի 13-ին, ժամը 14։00-ին։ Այս մասին հայտնել է Քոչարյանի պաշտպան Հովհաննես Խուդոյանը։

Հիշեցնենք, որ Երևանի ընդհանուր իրավասության դատարանում «Մարտի 1»-ի քրեական գործով նոր դատավոր է նշանակվել Դավիթ Գրիգորյանը, այն բանից հետո, երբ նախորդ դատավորը՝ Վարդան Գրիգորյանը, ինքնաբացարկ էր հայտնել:

Նշենք նաև, որ օրերս Բարձրագույն դատական խորհուրդը որոշում է կայացրել կարգապահական պատասխանատվության ենթարկել Երևանի առաջին ատյանի ընդհանուր իրավասության դատարանի երկու դատավորի, որոնք հրաժարվել էին քննել Հայաստանի երկրորդ նախագահ, Մարտի 1-ի գործով առանցքային մեղադրյալ Ռոբերտ Քոչարյանի խափանման միջոցի հարցը։