«Արցախի հարցով հանրաքվեի մասին մոռացեք, դա հնարավոր չէ». Ստեփան Դանիելյան

Քաղաքագետ Ստեփան Դանիելյանը ֆեյսբուքյան իր էջում գրել է. «Արցախի հարցով հանրաքվեի մասին մոռացեք, դա հնարավոր չէ։

Մի կողմ դնենք դրա բարոյահոգեբանական ասպեկտը։ Այն, որ չի բացառվում այն տարբերակը, որ այդ խնդրի լուծման այս կամ տարբերակի կողմերը դրանից հետո նույն տարածքում չկարողանան միմյանց հետ ապրել՝ տարանջատող վիհը կարող է շատ խորը լինել։

Այդ հարցին մոտենանք տեխնիկական տեսանկյունից։ Ենթադրենք՝ 30 տոկոսը դեմ է որևէ բան զիջել, 20 տոկոսը պատրաստ է ամեն ինչ զիջել, 18 տոկոսը պատրաստ է 5 շրջան զիջել, 3 տոկոսը հանուն խաղաղության Սյունիքին էլ է պատրաստ տալ, 20 տոկոսը, առհասարակ, կարծիք չունի և այդպես շարունակ։

Այսինքն՝ դա հանրաքվեով լուծվող հարց չէ։ Դրա լուծումը մեկն է. խորհրդարանը լուծարվում է և նոր ընտրություններ են նշանակվում, որից հետո կուսակցությունները ներկայացնում են իրենց տեսակետները ու սպասում են հանրության վճռին։ Նոր խորրդարանի տարբեր ուժերը, ըստ ստացված ձայների հանրագումարի՝ կգան կոմպրոմիսային տեսակետի։

Նիկոլ Փաշինյանը պետք է հասկանա, որ չի կարող հա՛մ հանրաքվե կազմակերպել, հա՛մ դրանից հետո իշխանությունը պահել։

Ռուսական հայտնի ասացվածքը՝ ձուկ ուտելու և հաճույք ստանալու մասին, այս հարցում չի աշխատի»: