Հինգշաբթի, 22 օգոստոսի, 2019 թ.
|
Ստեփանակերտում`   +20 °C

«Ամեն թափթփուկի գրառում չեմ ցանկանում մեկնաբանել». Գագիկ Բաղդասարյան

«Ամեն թափթփուկի գրառում չեմ ցանկանում մեկնաբանել». Գագիկ Բաղդասարյան
139
Երեքշաբթի, 14 մայիսի, 2019 թ., 11:45

«Ամեն թափթփուկի գրառում չեմ ցանկանում մեկնաբանել: Եթե հեղափոխության օրերին գոնե այդ անձը վաստակ ունենար և բերանը բացեր, էլի հասկանալի կլիներ»,- մեկնաբանելով ԱԺ փոխնախագահ Ալեն Սիմոնյանի՝ իր հասցեին հնչեցրած խոսքերը, ասաց մի քանի քաղաքական ճամբար փոխած Գագիկ Բաղդասարյանը, ով Ռոբերտ Քոչարյանի աջակիցների հետ միասին բողոքի ակցիա է իրականացնում:

Լրագրողի դիտարկմանը, թե մասնակցում էիք հեղափոխությանը, ապա ո՞րն է ճամբարը փոխելու պատճառը, վերջինը պատասխանեց. «Այո, ես շատ ակտիվ մասնակցել եմ հեղափոխությանը: Սա ճամբար չի, Ձեր ասածն էլ տեղին չի և կոռեկտ չի: Սա հայրենիք է, որը բոլորինս է: Բայց, ցավոք սրտի, հեղափոխությունը մնաց կիսատ և պռատ, և իշխանության եկան մարդիկ, որոնք ո՛չ դրա արժանիքներն ունեն, ո՛չ էլ իրավունքը»,- ասաց Գ. Բաղդասարյանը՝ հավելելով, որ Նիկոլ Փաշինյանի՝ ասուլիսում հնչեցրած խոսքերը՝ 100 փաստի վերաբերյալ, «մանիպուլյացիաներ են»: