«Հային այլևս երբեք հնարավոր չէ ծնկի բերել». Ֆելիքս Ցոլակյան

2510

Երեքշաբթի, 28 մայիսի, 2019 թ., 14:10

Արտակարգ իրավիճակների նախարար Ֆելիքս Ցոլակյանը ֆեյսբուքյան իր էջում գրել է. «Սիրելի՛ հայրենակիցներ,

Շնորհավորում եմ բոլորիս Հանրապետության տոնի առթիվ:
Մեր անկախությունը հնարավոր եղավ վերականգնել հավաքական ուժ դարձած հայ ժողովրդի մղած անձնուրաց ազատագրական պայքարի և հատկապես 1918 թվականի մայիսյան փառահեղ հերոսամարտերի շնորհիվ միայն:
Ազգային պետության կերտման բարդ, բայց միաժամանակ պատվաբեր ճանապարհին Մայիսի 28-ը կարևորագույն խորհուրդ ունի: Մեր հերոսական ժողովուրդը ևս մեկ անգամ ապացուցեց, որ հային այլևս երբեք հնարավոր չէ ծնկի բերել, որ հանուն հայրենիքի ազատության և պետականության վերականգնման հայ ժողովուրդը պայքարել ու շարունակելու է պայքարել:

Հարգելի՛ հայրենակիցներ,

պատմությունն արդեն բազմիցս ապացուցել է՝ երբ մեր ժողովուրդը միասնական է, նրա ոգին անկոտրում է:
Փառք ու պատիվ մեր՝ բոլոր ժամանակների հերոսներին, փառք ու պատիվ այսօր սահմանը անսասան պահող հայ զինվորին:

Վերստին շնորհավորում եմ բոլորիս տոնը՝ կոչ անելով լինել միասնական, քանզի միայն մեր միասնականությամբ և ամենօրյա ազնիվ աշխատանքով է հնարավոր կերտել հզոր Հայրենիք:

Խիղճ և խաղաղություն բոլորիս...»: