«Ի՞նչն է խանգարում հեղափոխական իշխանությանը արադարադատության ոլորտում հենց վաղվանից բարեփոխումներ սկսել». Ե. Աբգարյան

ԳԽ և ԱԺ նախկին պատգամավոր Երջանիկ Աբգարյանը ֆեյսբուքյան իր էջում գրել է. «Մի հարց տամ. Ի՞նչն է խանգարում հեղափոխական իշխանությունը հենց վաղվանից արադարադատության ոլորտում սկսել բարեփոխումները՝ մի կողմ դնելով կամ հետաձգելով երկար ժամանակ պահանջող անցումային դատարանի և վեթթինի ծրագրերը: Հենց վաղվանից կարելի է սկսել բոլոր այն դատավորների հեռացման պրոցեսը, որոնց կայացրած վճիռները, կապված Երևանի կենտրոնի տարածքների անօրինական յուրացման հետ, հասել են ՄԻԵԴ, մերժվել վերջինիս կողմից և տուժող կողմերի համար սահմանվել փոխհատուցում ՀՀ-ի կողմից: Միայն այս գործերը մի ամբողջ պանամա կբացահայտեն: Չէ որ այդ բոլոր հակաօրինական գործերը (որոնց մի մասը դեռ քննվելու է ՄԻԵԴ-ում) արդեն փաստեր են և հենվելով այդ փաստերի վրա ՀՀ իշխանությունը պարտավոր է պատժել այդ հանցագործ դատավորներին»: