«Արմեն Դանիելյանը Քոչարյանի նշանակած դատավորն է, նրա պատվերները կատարողը». փաստաբան

Փաստաբան Ամալյա Ավագյանը ֆեյսբուքյան իր էջում գրել է. «Հենց նոր լուրերով իմացա, որ քոչարյանի կալանքի գործով դատախազի և մարտի 1-ի տուժողների իրավահաջորդների ներկայացուցչի բողոքները կքննի դատավոր Արմեն Դանիելյանը։ Դա այն դատավորն է, ում դատավոր է նշանակել Քոչարյանը, դա այն դատավորն է, ով նախկին իշխանությունների մշտական պատվեր կատարողն է եղել և մարտի 1-ի գործերով անօրինական մեղադրական դատավճիռներ է կայացրել։ Դա այն դատավորն է, ում դեմ Փաստաբանների պալատի Հանրային պաշտպանի գրասենյակի փաստաբանները բոլոր գործերով վերաքննիչ բողոքների վերջում ինքնաբացարկի միջնորդություն էին ներկայացնում ՀՀ քրեական դատավարության օրենսգրքի 90-րդ հոդվածի հիմքով և վերաքննիչ դատարանի նախկին նախագահ Տ.Սահակյանը Արմեն Դանիելյանին գործը չէր մակագրում։ Հիմա ինչպես՞ դա հասկանանք, էլի միտումնավոր ու նախապես պլանավորված են անում ու էլի նույն պատմությունն է և դրա համար պետք է Վարչապետի պահանջը, որը նաև հեղափոխություն իրականացրած ժողովրդի պահանջն է, որ այդ դատավորները, սկսած Արմեն Դանիելյանից, պետք է աշխատանքից ազատվելու դիմումներ ներկայացնեն, որ վերջապես արդարադատություն իրականացվի մեր Նոր Հայաստանում։ Թե չէ սխալ է սպասել, մինչև ինչ որ վեթինգ արվի ու անցումային արդարադատություն լինի: Դա ժողովուրդն է որոշում, ինչպես որոշեց ու մերժեց նախկին ռեժիմին ու սերժին»։