«Զրահատեխնիկան շարքից հանածների ձեռքերին՝ հաշվեք մեր զինվորների արյունն է». Արմեն Մովսիսյան

Երգիչ-երգահան Արմեն Մովսիսյանը ֆեյսբուքյան իր էջում գրել է. «Երեք օր է, չեմ կարողանում շեղվել 11 միավոր զրահատեխնիկայի պատմությունից։ Հիշում եմ 16-ի ապրիլին երբ ռուսները մեր տղերքի տանկային բիաթլոնի հաղթանակի 1 տանկն էին ուղարկել, ինքնաթիռի բեռնաթափման ինչ տեսանյութեր էին պտտվում, ինքս էլ դիտեցի ժանգոտ թրթուրները նկատեցի, լեզուս կծեցի ու լռեցի։ Առաջնագծում մեր քաջերը հերոսաբար թշնամու զրահատեխնիկայի էին կանգնեցնում, ու հիմա մեկ կամ մի քանի անասուններ 11 միավոր զրահատեխնիկա ջուր շարժիչի մե՞ջ, միանգամի՞ց 11 միավոր։ Ալիքի հետ շուտ ենք հանգստանում, ինքնապաշտպանական բնազդներս թուլացել է, ես էլ մարդատյաց չեմ, որ պաթեթիկ մահապատժի կոչ անեմ, ընդ որում՝ հրապարակային, (չնայած, հեչ վատ չէր լինի), բայց պատերազմական վիճակը պատերազմական արդարադատության օրենք պիտի ունենա, գոնե, բանակի համար։ Մարտական զրահատեխնիկայի վառելիքը գողացած դեռ հերիք չէ, զրահատեխնիկան շարքից հանածների ձեռքերին հաշվեք՝ մեր զինվորների արյունն է։ Առավելագույն դատավճիռ միայն»: