«Թեման կրկին հիշեցնեմ՝ հաշվի առնելով Ադրբեջանի ԶՈՒ, ինչպես նաև Նախիջևանում թուրքական զորքի հետ համատեղ զորավարժությունները». Արթուր Եղիազարյան

ՀՅԴ Հայաստանի Գերագույն մարմնի անդամ Արթուր Եղիազարյանը ֆեյսբուքյան իր էջում գրել է․ «Այս թեման կրկին հիշեցնեմ, հաշվի առնելով Արցախի սահմանամերձ հատվածում Ադրբեջանի ԶՈՒ հարձակողական բնույթի, ինչպես նաև Նախիջևանում թուրքական զորքի հետ, կրկին հարձակողական բնույթի համատեղ զորավարժությունները. ...(Տեղեկացնեմ, որ հունիսի 7-ից 11-ը կայանալիք թուրք-արբեջանական «Sarsılmaz kardeşlik-2019» («Անխախտելի եղբայրություն-2019») համատեղ զորավարժություններին մասնակցելու նպատակով Թուրքիայից Նախիջևան որոշակի քանակությամբ զինծառայողներ և զինտեխնիկա են տեղափոխվել։ Ադրբեջանի ՊՆ կողմից հրապարակված կադրերում մոտ 6 միավոր «ACV-15» հետևակի մարտական մեքենաներ են երևացել։ ՄԱԿ-ի սովորական սպառազինությունների ռեգիստրում 2018թ. արտահանած սպառազինության մասին Ռուսաստանի ներկայացրած զեկույցի համաձայն՝ 2018-ին Ռուսաստանն Ադրբեջանին 40 միավոր մարտական զրահամեքենաներ է մատակարարել։ Ամենայն հավանականությամբ խոսքը «БТР-82А» զրահափոխադրիչների մասին է)»։