Երկուշաբթի, 20 ապրիլի, 2026 թ.
|
Ստեփանակերտում`   +8 °C

«Իսկ մեզ ո՞վ հարցրեց, երբ 2013-ին, մեկ անձի կամային որոշմամբ, հայտնվեցինք ԵՏՄ-ական փակուղում». Ռուբեն Շուխյան

«Իսկ մեզ ո՞վ հարցրեց, երբ 2013-ին, մեկ անձի կամային որոշմամբ, հայտնվեցինք ԵՏՄ-ական փակուղում». Ռուբեն Շուխյան
406
Հինգշաբթի, 06 հունիսի, 2019 թ., 05:15

Պատմաբան Ռուբեն Շուխյանը սոցկայքի իր էջում գրել է. «Սա էլ այսպես. Վլադիմիր Զելենսկին խոստացել Է ՆԱՏՕ-ին անդամակցելու շուրջ հանրաքվե անցկացնել՝ «երբ ուկրաինացիները պատրաստ կլինեն»: Իսկ մեզ՝ Հայաստանի քաղաքացիներիս, այդ ո՞վ հարցրեց, երբ 2013-ին մի գիշերվա մեջ, մեկ անձի կամային որոշմամբ հայտնվեցինք այս ԵՏՄ-ական փակուղում: Բայց ահա Ուկրաինայի նորընտիր նախագահն ասում է, որ ՆԱՏՕ-ին երկրի անդամակցության հարցը հանրաքվեի կդրվի, երբ ուկրաինացիները դրան պատրաստ լինեն: «Մենք պետք Է յուրաքանչյուր ուկրաինացու բացատրենք, թե ինչ Է ՆԱՏՕ-ն, որ դա այնքան Էլ «վախենալու» չի, և երբ բոլոր ուկրաինացիները պատրաստ լինեն՝ մենք պարտադիր այդ հարցը կառաջադրենք հանրաքվեի, և Ուկրաինան անպայմանորեն կլինի ՆԱՏՕ-ում»,- ասել Է նա «1+1» հեռուստաալիքին տված հարցազրույցում՝ պաշտոնական այցով գտնվելով Բրյուսելում: Զելենսկին ընդգծել Է, որ ՆԱՏՕ-ին և ԵՄ-ին անդամակցությունը Ուկրաինայի ռազմավարական ուղեգիծն Է, որն ամրագրված Է երկրի Սահմանադրությամբ: «Դա մեր ընտրությունն Է և մեր հստակ ուղեգիծը: Ես միշտ ասել եմ, որ մեր կուրսը Եվրոպային անդամագրվելն Է, դա ամրագրված Է Ուկրաինայի Սահմանադրությամբ: Իսկ կուրսը դեպի ՆԱՏՕ՝ ամենից առաջ Ուկրաինայի անվտանգությունն Է և մեր բանակի բարձր մակարդակը»,- հավելել Է նա»: