Չորեքշաբթի, 19 հունիսի, 2019 թ.
|
Ստեփանակերտում`   +15 °C

Փաշինյանը պատասխանել է ադրբեջանցի լրագրողի հարցին

Փաշինյանը պատասխանել է ադրբեջանցի լրագրողի հարցին
133
Ուրբաթ, 07 հունիսի, 2019 թ., 21:15

Սանկտ Պետերբուրգում կազմակերպված մամուլի ասուլիսին ՀՀ վարչապետ Նիկոլ Փաշինյանը պատասխանեց նաև ադրբեջանցի լրագրողի հարցերին։ ՀՀ վարչապետին հարց ուղղեց նաև ադրբեջանցի լրագրողը՝ կիրառելով «օկուպացված տարածքներ» արտահայտությունը։ Ի պատասխան՝ Նիկոլ Փաշինյանն ասաց. «Ինչպե՞ս կարելի է օկուպացնել ինչ-որ տարածք այն մարդկանց կողմից, ովքեր այնտեղ ծնվել են, ում պապերն ու պապերի պապերն են այդտեղ ծնվել են ու ապրել։ Ինչպե՞ս կարելի է այդ տարածքն օկուպացնել։ Տարածք, որտեղ այս մարդիկ սերնդեսերունդ, դարերով ապրել են. ինչպե՞ս կարելի է դա ընդհանրապես պատկերացնել»։
ՀՀ վարչապետը ադրբեջանցի լրագրողին հայտնեց, որ Հայաստանի Հանրապետության կառավարությունը և Արցախի Հանրապետության իշխանությունները պատրաստ են արցախա-ադրբեջանական շփման գծում ներդնել միջադեպերի հետաքննության մեխանիզմ։