«Դա աննախադեպ իրողություն է ՀՀԿ-ի գողապետությունից հետո». Սասուն Քոսյան

ԱՄՆ-ում բնակվող ՀՀ քաղաքացի, արվեստագետ Սասուն Քոսյանը ֆեյսբուքյան իր էջում գրել է. «Իշխող ՔՊ կուսակցությանը տարբեր հարցերում կարելի է քննադատել, բայց այն, որ առաջին և նույնիսկ երկրորդ դեմքերը հրաժարվեցին կուսակցության ղեկավար պաշտոնից, դա աննախադեպ իրողություն է ՀՀԿ-ի գողապետությունից հետո: Սերժ Սարգսյանը և կուսակցության ղեկավար էր ևʹ երկրի նախկին ղեկավար, ևʹ ապագա ղեկավար, ևʹ ցմահ ղեկավար, ևʹ իր հետևորդների հավերժ պաշտամունքի առարկա, ևʹ հանցագործ աշխարհի ղեկավար... ևʹ մինչև հիմա շարունակում է մնալ ՀՀԿ-ի ղեկավար, նույնիսկ այն բանից հետո, երբ իր անձնական ագահության և իշխանամոլության պատճառով իր կուսակցությունը կորցրեց ամեն ինչ: Ես ողջունում եմ ՔՊ-ին՝ ժողովրդավարական սկզբունքները պահպանելու համար և իշխանական բարձրությունից չկուրանալու համար: Շնորհավորում եմ ընտրված անդամներին և կուսակցության նոր ղեկավարին»: