«Նման ինքնախոստովանություն անող նախարարը պետք է հրաժարական տար». Աշոտ Ասատրյան

Ռազմական վերլուծաբան Աշոտ Ասատրյանը ֆեյսբուքյան իր էջում գրել է. «Նման ինքնախոստովանություն անող նախարարը նույն պահին պետք է հրաժարական տար: Վերջապես Ադրբեջանի պաշտպանության նախարար Զաքիր Հասանովը խոստովանեց, որ իրենց բանակի զինծառայողները զորավարժության ընթացքում խոցել են Գյանջայի ադրբեջանական տներից մեկը: Այս լուրը պաշտոնական Բաքուն փորձում էր ամեն գնով գաղտնի պահել, սակայն ամեն ինչ դուրս եկավ կառավարումից, երբ համացանցում ակտիվ տարածվեց խոցված տան և հրթիռի լուսանկարները: Հասանովին այլ բան չէր մնում, քան խոստովանությամբ հանդես գալը, սակայն ոչ թե լրատվականների ներկայությամբ, այլ՝ դատարանի դահլիճում, որպեսզի բացատրություն տա, թե ինչպես եղավ, որ իր նկարագրած հզոր բանակի զինվորները կրակեցին իրենց քաղաքացիների վրա ու բախտի բերմամբ անմեղ զոհեր չունեցան: Ու այս անմեղսունակն ինքնախոստովանությունից հետո ոչ միայն հրաժեշտ չի տալիս իր պաշտոնին, այլ նաև շարունակում է անուն դնել հայկական բանակին ու օգտագործած տեխնիկաներին, դրան զուգահեռ կրկին չի մոռանում հիշեցնել, որ իրենք «անպարտելի» են: Թերևս այոʹ, նրանք անպարտելի դեբիլ զինվորներ են»: