«Իրավական անհասկանալի իրավիճակում ենք». Արամ Վարդևանյան

343

Ուրբաթ, 21 հունիսի, 2019 թ., 12:20

«Այժմ մենք իրավական անհասկանալի իրավիճակում ենք, երբ Վերաքննիչ դատարանը՝ Արմեն Դանիելյանի նախագահությամբ, արդեն խորհրդակցական սենյակում է և հուլիսի 25-ին պետք է վճիռ հրապարակի այնպիսի գործի վերաբերյալ, որը ՍԴ-ում նախնական ուսումնասիրության փուլում է»,- հունիսի 21-ին, լրագրողների հետ հանդիպմանը, նման գնահատական հնչեցրեց սահմանադրագետ Արամ Վարդևանյանը։

Ըստ նրա՝ առհասարակ Ռ. Քոչարյանի գործի դատական վարույթի կասեցումը դատարանի կողմից և ՍԴ դիմում ներկայացնելն ինքնին բողոքարկման ենթակա ակտ չէ: «Ցավալի է, որ նախագահող դատավորի կողմից այն քննության առարկա չդարձավ՝ պաշտպանական կողմի դիրքորոշումների լույսի ներքո: Օրենսդիրը նախատեսել է, թե կասեցումից հետո երբ է վերսկսում վարույթը, այն է՝ ՍԴ որոշումից հետո»: